RU KZ

Мектебімізде Ы.Алтынсарин медалінің иегері Сәуле Мұқанқызы атындағы аудандық олимпиада өткізілді

Сәуір айының 10 күні «Дулат Бабатайұлы атындағы жалпы орта білім беретін мектеп» КММ-де химия мен биология пәндері бойынша Ы.Алтынсарин медалінің иегері Сәуле Мұқанқызы атындағы аудандық олимпиада болып өтті. Олимпиаданың мақсаты – аталған пәндер бойынша дарынды балаларды анықтау, оларға қолдау көрсету, олимпиада резервтарын даярлау. Олипиадаға аудан мектептерінен жаратылыстану пәндеріне қызығушылығы бар талапты 7-8 сынып оқушылары қатысты. 

Олимпиада мектебіміздің өнерлі оқушылары   әзірлеген қойылыммен ашылды. Өнерпаз өрендер  Сәуле Мұқанқызының өмір кезеңдері мен қызметінен көрініс беретін қойылымды тарту етті. Қызықты қойылымды тамашалап, әсерге бөленген көрермендер мен Сәуле Мұқанқызы өнерпаз өрендерге ризашылығы мен алғыстарын білдірді. Олимпиаданың ашылуы кезінде Сәуле Мұқанқызы, аудандық білім бөлімінің басшысы Нұрғали Тілекқалиұлы мен мектебіміздің директоры Жанар Советқазықызы  олимпиада қатысушыларын құттықтап, оларға сәттілік тіледі. 

Әділқазылар алқасы олипиада қатысушыларының білімін сарапқа салып, жеңімпаз   білімді, дарынды оқушыларды анықтады. Жүлделі орын алған жеңімпаздарды Сәуле Мұқанқызының өзі құттықтап, сыйлықтар табыстады. Барлық қатысушыларға да естелік сыйлықтар табыс етілді. 

Ал мектебіміздің намысын қорғаған 7 «Ә» сынып оқушысы Азинова Айдана жүлделі ІІ орынды иеленеді. Айдана мен жетекшісі Түсіпова Ләйлә Қайсақызын құттықтай отырып, Айданаға білім көгінде қанатың талмай, биіктерге самғай бер деп тілек білдіреміз.









Добавлено: 10-04-2021, 16:20
0
507

Добавить комментарий

Кликните на изображение чтобы обновить код, если он неразборчив

Наверх