«Ұлттық тағамдар күні», «Наурыз көже құпиясы»

Дулат Бабатайұлы атындағы жалпы орта білім беретін мектепте «Ұлттық тағамдар күні», «Наурыз көже құпиясы» тақырыбында 9 сынып оқушылары өздері дайындаған  наурыз көжесін ұсынды. Ұлыстың Ұлы күні жасалатын сыйлы ас – Наурыз көже.Ол жеті түрлі дәмнен жасалған. Қазақ ұғымында жеті санының киелі екені бәріне аян. Көже құрамына кіретін дәмдер де қасиетті саналады. Сол жеті дәмді атап өтсек: ет, сорпа, дәнді дақылдар (тары, бидай, жүгері, күріш), Ақ (сүт немесе айран), май,тұз. Айта кететін жайт, Наурыз көже тек осы әдіспен ғана әзірленбейді. Еліміздің әр өңірінің тұрғындары бұл ұлттық тағамымызды өз өлкесінің үрдісі бойынша өзгеше, түрлі дәмдермен даярлайды. Наурыз көжеге қосылатын бұл 7 дәм молшылықтың, тоқшылықтың, сәттіліктің, байлықтың, бақ пен берекенің белгісі болып саналады.