RU KZ

Мұқағали Мақатаевтың 90 жылдығына арналған "Айтып өткен ақындар арман бар ма?" тақырыбында жалпы білім беретін ұйымдардың 7-10 сынып оқушылары арасында республикалық "М.Мақатаев оқулары" ашылуы

Қазақ поэзиясын өзіндік дара мінезімен, өзгеге ұқсамайтын стилімен байытып, өлшеусіз мұра қалдырған  қайталанбас дарын иесі, поэзия мұзбалағы, ақиық ақын Мұқағали Мақатаевтың 90 жылдық мерейтойын қалың қазақ елі атап өтіп жатыр. Осыған орай, аудандық білім бөлімінің оқу, ғылыми, ұйымдастырушылық, әдістемелік кабинетінің ұйымдастыруымен оқушылар арасында М.Мақатаев поэзиясын насихаттау, оқушылардың шығармашылық қабілеті мен эстетикалық талғамын, тума талант, табиғи дарынын анықтау, олардың поэзияға деген құштарлығын арттыру, өлең сөздің құдіреті мен қуатын жанымен сезіне білуге үйрету және сыни ойлауға, ой-пікірлерін ғылыми тұрғыда жеткізе білуге машықтандыру мақсатында "Айтып өткен ақындар арман бар ма?" тақырыбында жалпы білім беретін ұйымдардың 7-10 сынып оқушылары арасында республикалық "М.Мақатаев оқулары" байқауының аудандық кезеңі қашықтықтан өтті.
      Жыр бәйгесі қаламыздағы "Дулат Бабатайұлы атындағы жалпы орта білім беретін мектеп" коммуналдық мемлекеттік мекемесінің өнерлі өрендерінің әзірлеген қойылымымен ашылды. Өрендер Мұқағали ақынның бүкіл қазақ сүйіп оқитын жақұт жырлары мен ән-өлеңдерін нақышына келтіре орындап, тыңдарманды ақиық ақынның мөлдір поэзиясына бас қойып, нәр алуға жетеледі.
      Мұқағали ақынның аққу қанат жырлары арқылы еліміздің рухани өміріне белсене араласуға қабілетті, шығармашыл, рухты азаматтарын дайындай отырып, оқушылардың эстетикалық дүниетанымын қалыптастырудың, поэзияның дамуын бағамдап, сыни көзқарасын білдіре алатын тұлға даярлауды, поэзия тілімен ұлттық құндылықтарды ұлықтайтын, ұлт руханиятын жаңғыртуға қабілетті ұлтжанды ұрпақ қалыптастыруды көздеген жыр додасына аудан мектептерінен 14 оқушы қатысып, өнер бәйгесіне түсті. Мектебіміздің намысын қорғаған 9"Б" сынып оқушысы Сыдыкова Анастасия (жетекшісі Анкебаева Әсем Маркленовна) ІІІ орынды иеленді.
      Хантәңірінің мұзбалағы Мұқағали Мақатаев поэзиясы - қалың қазақ сүйіп оқитын поэзия. Ақынның мөлдір поэзиясы барша қазақтың жанына шуақ құйылсын.

Добавлено: 21-02-2021, 17:35
1
496
avatar
0
#1 Пользователь offline adminshcool

Powered by Froala Editor

Добавить комментарий

Кликните на изображение чтобы обновить код, если он неразборчив

Наверх