2023 жылдың науырыз айының 29 жұлдызында Абай облысы білім басқармасы Аягөз ауданы бойынша білім бөлімінің "Дулат Бабатайұлы атындағы жалпы орта білім беретін мектебі" КММде 8 "А" сынып оқушыларымен ҚР Президенті Қ.Тоқаевтың "Тәуелсіздік бәрінен қымбат" мақаласы аясында Алаш арыстарының асыл мұрасын игеруді жалғастыру мақсатында "Облыстық инновациялық әдістемелік орталығы" КММ тарапынан жүргізілген "Бірыңғай тарих сабағы" күнінде, "Алаш арысы-алғашқы заңгер Бақытжан Қаратаевтың туғанына 160 жыл" тақырыбы аясында тарих пәні мұғалімі Оразгалиева Анар Мырзагалиевнаның ұйымдастыруымен танымдық сабақ өткізілді. Мақсаты: білім алушыларға Алаш қайраткері, алғашқы заңгер Бақытжан Қаратаев туралы мәліметтермен таныстыра отырып, оның қалдырған асыл мұрасын түсіндіру, адамгершілік, отансүйгіштік, адалдық қасиеттерін дәріптеу. Сабақ барысында балалар Бақытжан Қаратаевтың өмірімен, қызметімен, атқарған жұмыстарымен танысты. Сонымен қатар, Алаш қайраткері қазақ қоғамының өмірінде үлкен рөл атқарғаны, ұлт мүддесін қорғағаны, қазақ зиялының еңбегі жөнінде нақты мағлұматтар алды. Бақытжан Қаратаевтың есімі - алғашқы қазақ заңгер, Алаш арысы, тәуелсіздік үшін күрескен әйгілі тұлға ретінде ұлтымыздың тарихында мәңгі сақталады.
